Mynd: www.jn.fo

Betri Deildin: Verjufeilir kostaðu

Ringa byrjanin uppá kappingarárið í Betri Deildini helt á við 0-3 tapi móti EB/Streymi. Longu áðrenn hálvleik høvdu tríggir verjufeilir longu kosta okkum møguleikan at fáa nakað burturúr dystinum.

Vit høvdu ikki spælt meira enn 7 minuttir, so góvu vit sundalagsmonnum fyrsta málið. Ein vánalig afturlegging, og so varð 0-1. Tað kundi eins væl verið 0-2 tá, tí hetta mistakið var ikki tað fyrsta, men vit sluppu tá við skrekkinum. Ikki so hesa seinnu ferðina.

Annars høvdu vit lagt upp til spennandi og skjótt álopspæl og allan fyrra hálvleik vístu vit góða taktir frameftir vøllinum, góðar og skjótar flytingar, men uttan endaúrslit.

Eftir góðan hálvan tíma góvu vit gestunum sítt annað mál, eisini eftir út av lagi vánaligt verjuavrik. Og løtu fyri hálvleik endurtóku vit persónlig mistøk og so varð 0-3.

Seinni hálvleikur var ikki serliga væl spældur, hvørgan vegin. Vit megnaðu ikki at avprøva vitjandi málverjan, undantikið einu ferðina, tá Jón burdi havt sett bóltin tá hann bombaði returin langt yvir tóma málið.

Hetta varð triðja royndin í ársins útgávu av Betri Deildini, og enn er bert 1 stig á kontuni. Dystirnir koma tætt nú, so ovmikið av møguleikum verða at rætta uppá støðuna. Sunnudagin skulu vit til runavíkar, og so hósdagin eftir, fáa vit vitjan av klaksvíkingum.

Byrjanaruppstilling: Ivan Stojkovic; Jóannis á Steig, Ndende Adama Gueye, Martin Tausen, Niels Mouritsen; Nikola Krcmarevic (Asbjørn, 60.), Høgni Egilstoft Nielsen; Gilli Samuelsen (Sølvi, 69.), Janus Svabo Samuelsen, Kyrylo Silich; Jón Krosslá Poulsen (Tór-Ingar, 78.).
Eyka: Silas Eyðsteinsson, Sølvi Egilson, Dann Fróðason, Asbjørn Heðinsson, Hørður Egilsson, Tór-Ingar Akselsen, Ken Fagerberg.




Komandi dystir

 

Fleiri dystir...

Stigatalvan

Lið D +/- Stig
KÍ II 27 38 57
Víkingur II 27 24 55
NSÍ II 27 28 53
07 Vestur 27 9 44
B68 27 0 35
B36 II 27 -1 30
B71 27 -23 30
HB II 27 -4 29
Skála II 27 -10 28
EB/Streymur II 27 -61 12

Málskjúttar

Niels Mouritsen 9
Høgni E. Nielsen 8
Solomon Kwao 8
Ragnar Weihe 5
Ken Fagerberg 4
Sølvi Egilsson 3
Dann Fróðason 3
Hørður Egilsson 3
Tór-Ingar Akselsen 3
Eirikur Ellendersen 2
Martin Tausen 2
Asbjørn Heðinsson 1
Emil Mikkelsen 1
Heri Kjærbo 1
Jákup S. Olsen 1
Teitur Olsen 1