Dreingir: MB/07 Vestur - KÍ 2-0

So møttu okkara dreingir aftur KÍ, ið teir taptu mikukvøldi, men sum "takk fyri seinast" vístu teir hvør dugur er í teimum, hendan dystin vunnu teir 2 - 0. Sera flott!!!!

Teir ið byrjaðu inni í dystinum fyri MB/07-Vestur í dag vóru hesir: Eli, Jógvan Emil, Jens, Sonni Ragnar, Jákup Sveinbjørn, Bárður, Sølvi, Hanus, Jón, Bjarni og Hørður.
Á bonkinum vóru hesir: Dánjal, Ragnar T. Khaliqhey, Jónleivur, Rógvi og Bárður Stórá
Venjarar: Jógvan Páll og Annfinn
Dómaratrio var Jónfinn Olsen, Jack Johansen og Kristoffur Gårdlykke.

KÍ, ið hevur eitt sera væl leikandi dreingjalið, kom vestur í Vágar í dag at møta okkara dreingjaliði. Tað var KÌ ið hevði bóltin meir enn okkara dreingir í fyrra hálvleiki, hóast tað vóru KÌ´arnir ófarligir frammanfyri málinum hjá MB/07-Vestur, hetta var grunda góða verju, og sera gott málmansspæl.

Í seinna hálvleikið var tað MB/07-Vestur, ið legði betur fyri, tá ið uml. 1 tími var leiktur, trekti Sølvi til baklinjuna, legði bóltin sera væl innfyri til Hørð, ið stóð ímillum 3 KÍ verjuleikarar, ið hann fintaði hegnisliga, og setti bóltin trygt í neti, til støðuna 1 - 0.

Síðani gekk javnt á, MB/07-Vestur fekk eitt fríspark í høgru síðu, ið Bárður var settur at skjóta, bólturin kom væl innfyri, og ein verjuleikari hjá KÌ og Bjarni lupu upp, KÌ verjuleikarin heddaði bóltin í ryggin á Bjarna, bólturin stakk yvir til Hørður, ið aftur her var sera kaldur, setti bóltin trygt í neti til støðuna 2 - 0.
Hetta gjørdist eisini endaliga støðan.

Málmaðurin hjá MB/07-Vestur Eli Poulsen, var ein sterkur aftasti skansi í dystinum í dag eins, og hann eisini var tað mikukvøldið.

2 óhepnar støður vóru í dystinum í dag, har 2 KÌ´arar fingu skaða, tann eini, í beini, og hin í bringuna, og mátti á børu berast av vølli, vónandi koma teir skjótt fyri seg aftur. 

Sigast skal at dreingjaliði hjá MB/07-Vestur er nógv ment, tað er ein fragd at síggja teir spæla, takka verði venjarunum.

KOYRIÐ À!!

Tíðindasavn rss