Mynd frá fyrra dystinum á Eiði, sum vit vunnu 4-1.

EB/Streymur omaná á Dungasandi

Eitt sera viknað 07 Vestur-lið tapti í dag mói EB/Streymi. Eftir hálvleikstøðuna 0-2, gjørdist endaliga úrslitið 1-4. Hørður Egilsson skoraði okkara mál.

Veðurlíkindini vóru ikki av teimum bestu í Sørvági í dag, og tað darvaði spælinum nakað. Tað týðningarmesta hesa tíðina, er tó at fáa nakrar dystir í beinini, og tað eyðnaðist hóast alt. Tó manglaðu Silas, Petur, Jón, Gilli, Martin og Sølvi, antin vegna skaða ella sjúku. 

Gestirnir løgdu sera bragdliga fyri, og longu áðrenn 10 minuttir vóru leiktir, vóru teir á odda 2-0. Sundalagsmenn vóru eisini omaná tað mesta av fyrra hálvleiki.

Í øðrum hálvleiki eyðnaðist tað okkum at minka um munin, og við einum lítlum yvirtaki, høvdu vit eisini møguleikar at javna. Stutt fyri leiklok fingu EB/Streymur allíkavæl tvey mál afturat, og dysturin endaði sostatt 1-4.

Byrjanarliðið: Ivan Stojkovic; Jóannis á Steig, Ndende, Dann Fróðason, Fríði S. Joensen (Niels); Asbjørn Heðinsson, Høgni E. Nielsen; Martin H. Dam (Hørður), Teitur Olsen, Karl Weihe (Janus); Ken Fagerberg.

Eyka: Niels Mouritsen, Hørður Egilsson, Janus S. Samuelsen.





Komandi dystir

Betri-deildin, 22. feb. kl. 18:30
Skála - 07 Vestur 3-1
(Venjingardystur)

Kvinnur 24. feb. kl. 11:00
07 Vestur - ÍF/Víkingur
(Venjingardystur)

Fleiri


Stigatalvan

Lið D +/- Stig
07 Vestur 0 0 0
AB 0 0 0
B36 0 0 0
EB/Streymur 0 0 0
HB 0 0 0
0 0 0
NSÍ 0 0 0
Skála 0 0 0
TB/FCS/Royn 0 0 0
Víkingur 0 0 0

Málskjúttar