Fyrsta upptaktin í Betri Deildini

Sunnudagin verður Betri Deildin endiliga skotin í gongd. Fyrireikingarnara hava longu verið í fleiri mánaðar, so tað verður gott at sleppa at síggja besta lið okkara aftur. Fyrsti dysturin verður á Argjum sunnudagin kl. 15.

Í mun til í fjør er lið okkara nokkso nógv broytt. Nøkur nýggj andlit eru og av yngru leikarunum skulu onkrir til at taka størri ábyrgd. Og fleiri eru farnir avstað. Á venjarasíðuni er eisini broytt. Soleiðis er við fótbólti, og spennandi er, hvussu fer at roynast.

Øllum kunnugt, er Pauli Poulsen nýggi venjari okkara. Pauli hevur gjørt eitt megnar arbeiði á Skála undanfarin ár, og millum leikarar og tey rundan um besta liðið, skilst at nýggi venjarin veruliga hevur sett sín dám á. Sær til hjálpar er Sigtór Asbjørn Petersen, sum tók um endan í fjør, við einum megnar háli seinastu umførini.

4 nýggir leikarar eru komnir í hópin. Jón Krosslá Poulsen er komin úr Suðri, og Gilli Samuelsen er komin úr B36. Báðir álopsleikarar. Tveir útlendingar eru júst komnir, báðir skrivaðu undir sunnudagin. Kyrylo Silich úr Ukreina kemur frá Jonava í Litava, og Nikola Krcmarevic, Serbi, sum kemur úr Syrianska í Svøríki. Báðir miðvallarar. Arbeitt verður við at fáa loyvini uppá pláss, so vit kunnu síggja hesar báðar á vøllinum sum skjótast.

Frágongdin er rættiliga stór í mun til í fjør. Fleiri av teimum mestleikandi eru farnir. Torstein Mýlingstind er fluttur niður at lesa, og skal spæla við ÍF Føroyum. Holgar Durhuus er farin til Kvik Halden í Noregi, og Søren Nielsen er fluttur heim til danmarkar, og ljóðar til meira ella minni at skula gevast at spæla. Jákup Sveinbjørn Olsen verður helst ikki við í ár, og John Frederiksen er farin til HB.

Fyrsti dysturin í ár verður á útivølli á Argjum móti uppflytarunum úr AB. AB høvdu eitt gott kappingarár í fjør og vunnu 1. deild. Liðið ljóðar til at verða nakað tað sama, tó eru Árni G. Olsen og Tóki á Lofti komnir úr EB/Streymi. Tóki vendir sostatt aftur út á Argir, har hann hevur spælt fleiri ár. Hann spældi eisini hjá okkum í 2016. Sorin Anghel er nýggjur venjari.

Seinast vit spældu móti AB í bestu deildni, var í 2013. AB endaði tað árið á 6. plássi. Fyrsta dystin móti teimum spældu vit javnan 1-1. Gunleif Magnusarson skoraði útjavnandi málið stutt eftir hálvleik. Hinar báðar taptu vit, fyrst 2-0 á Argjum og so 3-0 í Sørvági.

Vit hava ofta havt tað trupult á Argjum, har veðrið eisini ofta ger seg galdandi. Argjamenn hava vanliga eisini verið sera ágrýtnir og gera tað trupult fyri mótstøðuliðið. Og, við leikarum sum Árna G. Olsen, Jobin Drangastein, Bárði Olsen og Rasmus Dan Sørensen, hava teir kvalitet nokk til at gera tað trupult fyri okkum. Og eisini at taka øll stigini, um vit ikki geva minst 100% til seinasta bríksl.




Komandi dystir

Betri-deildin, 23. sep.:  

AB - 07Vestur kl. 15:00


2. deild, 22. sep.:

07 Vestur - KÌ kl. 15:00


3. deild. 15. sept.:

KÍ a - 07 Vestur kl. 18:45


 

Fleiri


Betri Deildin

Stigatalvan

Lið D +/- Stig
HB 21 31 55
21 23 45
NSÍ 21 28 42
B36 20 14 37
Víkingur 21 7 36
Skála 21 -8 22
TB/FCS/Royn 21 -13 21
EB/Streymur 21 -12 19
07 Vestur 20 -33 10
AB 21 -37 9

Málskjúttar

Gilli Samuelsen 6
Sonny Jakobsen 4
Sølvi Egilsson 3
Kyrylo Silich 2
Høgni E. Nielsen 2
Ken Fagerberg 1
Ndende 1


Kvinnur

Stigatalvan

Lið D +/- Stig
07 Vestur a 14 37 35
AB/B71 11 20 23
ÍF/Víkingur 12 13 21
TB/FCS/Royn 11 13 19
AB 12 -17 14
EBS/Skála (-3) 11 3 10
07 Vestur b 14 -30 8
Giza Hoyvík 11 -38 3


Málskjúttar

Margit M. Kwao 14
Sissal Haraldsen 11
Mona S. Poulsen 9
Julia Niclasen 5
Annika Niclasen 4
Jana Jacobsen 4
Bettieyð Ellingsgaard 3
Henrikka W. Jacobsen 3
Barbara Prior 2
Bjørk Á. Dalsgaard 2
Sesilia Olsen 2
Anna Gaardlykke 1
Kristianna á L. Haraldsen 1
Paula Jensen 1
Sesilia Prior 1