Mynd: www.jn.fo

Fyrsti heimadysturin verður í morgin

Í morgin, leygardagin, kl. 16,  verður fyrsti heimadystur okkara. Okkara menn skulu til at byggja uppá javnleikin á argjum, í spennandi uppgerð á Dungasandi, har suðringar, TB/FC Suðuroy/Royn, koma á vitjan.

Eins og í fjør er fyrsti heimadysturin í bestu mansdeildini, nú við nýggjum navni, Betri Deildin, móti suðringum. Suðringar vóru tá í sera góðum stima, men móti okkum vóru teir greitt næstbest, men fingu stigini við suður hóast tað. So skal úrslitið ikki eisini verða ein endurtøka frá í fjør, krevst meira enn yvirvág í spæli.

Tað varð Poul Ingason, sum tá skjeyt einsamalla málið, longu áðrenn 20 minuttir vóru farnir av dystinum. Vit høvdu annars yvirvág nærum allar 90 minuttirnar, men gestirnir høvdu nøkur amboð at spæla við, og kanska tað mest eyðkenda var stríðsviljin.

Suðringar hava gjørt stórar broyting á liðinum síðan í fjør. Bert 4 leikarar byrðaði inni í 0-4 heimatapinum móti NSÍ, av teimum 11, sum byrjaði inni móti okkum í 2. umfarið í fjør. Eisini á venjarasíðuni er broytt, nú sviðin Glenn Ståhl stendur við róðri, eftir at Maurice Ross skifti til Víking. 

Til dystin í morgin er trupult at rokna út hvørjum gestirnir koma við av spæliætlan. Sum skilst ynskja teir at verða meira spælstýrandi enn í fjør. 

Eins og gestirnir hava vit fleiri nýggjar leikarar, hóast bulurin tó er óbroyttur. Við nýggjum venjara koma sjálvsagt nýggjar ætlanir og liðið fer at gerðast alsamt meira samanspælt. 

Vit fingu stig í fyrsta dysti okkara, á Argjum sunnudagin. Í sera truplum umstøðum, serliga í mótvindinum í øðrjum hálvleiki, fingu leikarar okkara ikki heilt víst seg frá síni bestu síðu. Vit fingu tó eitt sera væl spælt mál, eftir fleiri presisar avleveringar. 

Vit vístu fleiri ferðir á Argjum, at vit hava leikararnar, sum skulu til fyri at skapa møguleikar frameftir, og til at standa kompakt og verja væl. Geva allir sítt allar besta, kunnu vit taka øll 3 stigini, sum sjálvandi eisini er eitt krav á heimavølli.




Komandi dystir

22/6: 

1. deild m. 07V-B36 kl. 15.00 

2. deild m. 07V-Víkingur kl. 17.30

3. deild m. Víkingur-07V kl. 18.30

DU17 NSÍ-07V kl. 13 í


Fleiri dystir...

Stigatalvan

Lið D +/- Stig
NSÍ II 14 15 31
07 Vestur 15 13 31
Víkingur II 14 16 27
KÍ II 13 16 26
B68 15 -5 17
B71 13 -11 16
Skála II 15 -2 15
B36 II 14 -10 13
HB II 14 -8 9
EB/Streymur II 15 -24 7

Málskjúttar

Solomon Kwao 6
Ken Fagerberg 4
Niels Mouritsen 4
Ragnar Weihe 3
Dann Fróðason 2
Eirikur Ellendersen 2
Høgni E. Nielsen 2
Hørður Egilsson 2
Martin Tausen 2
Heri Kjærbo 1
Teitur Olsen 1