Hegga verður venjari komandi trý árini

07 Vestur og Jógvan Hendrik Svabo Samuelsen, ella Hegga, sum vit kenna hann best, hava gjørt sáttmála fyri komandi trý kappingarárini. Hegga skal standa fyri besta liðið felagsins, umframt at vera høvuðsungdómsvenjari.

 “07 Vestur skal vera eitt felag fyri okkum í vesturøkinum. Nakað, vit kunnu gleðast um, savnast um og vera errin av. Stóra arbeiði, ið verður gjørt í yngru deildunum skal nú síggjast aftur í, at okkara leikarar skulu manna lið felagsins, eisini besta liðið”, sigur Jarnhold Nattestad, formaður felagsins.

Hegga hevur verið venjari í felagnum í fleiri ár, bæði hjá yngri liðum og á besta liðinum, bæði sum høvuðsvenjari og hjálparvenjari. Í ár hevur Hegga staði á odda fyri okkara U16 dreingjaliðið, heilt í oddinum av bestu dreingjadeildini, umframt at hava arbeitt við U15-landsliðinum.

Komandi venjarin hevur fingið til uppgávu, at byggja eitt lið burturúr teimum leikarum, í hoyra til í vesturøkinum, í Vágum og Norðurstreymoy.

“Vit ynskja at okkara ítróttarligu mál skulu røkkast, vit hava ein ítróttarligan stoltleika og vilja vinna hvønn dyst”, sigur formaðurin, “men skal felagnum vera lívi laga, skal byggast breitt, við framtíðini fyri eyga”.

07 Vestur luttók í ár við út við 30 liðum og er tískil millum størstu feløgini í landinum. Felagið gjørdi eina royndaravtalu við SÍ og SÍF í fjør, har 07 Vestur yvirtók aldursbólkarnar frá 12 og niður. Hendan avtalan varð gjørd endalig í vár, og 07 Vestur skal framyvir varða av øllum liðunum í Sandavági og Sørvági.

“Stóra undirtøkan í yngru deildunum gevur okkum eina trúgv uppá, at her vesturi hevur fóbóltspælið eina spennandi framtíð”, sigur Jarnhold Nattestad at enda, “nógv gott er longu gjørt, og nú skulu vit byggja víðari, bæði í breiddini og í toppinum av pyramiduni”.





Komandi dystir 


Løgmanssteypið
25. nov. kl. 19:00 07 Vestur - HB


Menn 1. deild

Lið D +/- Stig
Víkingur II 27 37 58
07 Vestur 27 27 54
NSÍ II 27 38 52
B68 27 22 46
KÍ II 27 2 38
B36 II 27 -10 34
HB II 27 -26 33
B71 27 1 32
AB II 27 -23 23
FC Hoyvík 27 -68 10

Málskjúttar

Predrag Jeremic 11
Tór-Ingar Akselsen 9
Eiler Fróðason 5
Dann Fróðason 4
Martin Tausen 4
Ragnar Weihe 4
Gilli Samuelsen 3
Marjus Nielsen 3
Teitur Olsen 3
Zoran Vujovic 3
Emil Mikkelsen 2
Jógvan Petersen 2
Ingi Joensen 1
Jóannis á Steig 1
Karl Weihe 1
Solomon Kwao 1
Sølvi Egilsson 1
sjálvmál 1

 
 

Kv. 1. deild

Lið D +/- Stig
AB/B71 12 54 30
07 Vestur 12 14 23
HB 12 5 21
ÍF/Víkingur/B68 12 -9 16
TB/FCS/Royn 12 -9 13
AB 12 -17 9
12 -38 8

Málskjúttar

Margit M. Kwao 6
Julia Niclasen 5
Sissal Haraldsen 4
Sesilia Olsen 3
Bettieyð Ellingsgaard 2
Eyðvør T. Poulsen 2
Kristina D. Gásdal 2
Marita E. Thorsvig 2
Ruth Albinsdóttir 2
Hanna Thomassen 1
Helma Thomasen 1
Kristina Nattestad 1
Mona S. Poulsen 1
Sjálvmál 1