07 Vestur - Víkingur 4-0

Hóast Víkingur helstu vóru betra liðið fyrstu 45 minuttirnar, førdu vit 2-0 í steðginum. Tór-Ingar og Holgar skoraðu málini. Seinna hálvleik áttu vit allan og skoraðu eisini tvey afturat, fyrst Rógvi síðan Tór-Ingar.

Liðið:Petur Meinhard Magnussen; Rógvi E. Nielsen (Elfinn Ørvarodd, 76'), Emil Mikkelsen, Aristide Tehe, Tórstein Mýlingstind; Jovan Radinovic-Panic, Sølvi Egilsson (Hørður Johansen, 63'), , Tór-Ingar Akselsen, Jákup Sveinbjørn Olsen, Ásmund Hansen (Brandur Heinason, 71'); Holgar Djurhuus.
Eyka:
Eli Poulsen, Hørður Johansen, Elfinn Ørvarodd, Brandur Heinason.

Tað var kalt at spæla í Sørvági í dag, altso í veðrinum. Seinna hálvleik var veðrið tó heilt gott, og hetta avspeglar eisini væl okkara spæl. Í fyrra hálvleiki vóru gestirnir betri enn vit og hálvleiksstøðan sigur mest um okkara mann við góða forminum, liðskiparan Tór-Ingar Akselsen.

Tór-Ingar átti heiðurin av báðum fyrstu málunum. Fyrst í 22. minutti, og so móti endanum av fyrra hálvleiki, tá málverjin hjá Víkingi mátti lata returin frá skotinum hjá Tór-Ingari út til Holgar, sum bankaði hann í kassan.

Í seinna hálvleiki áttu vit tað, sum var. Víkingur vóru trýstir afturá og svaraðu bert aftur við onkrari einstakari kontraroynd.

Fyrsta málið í seinna hálvleiki fingu vit eftir bert 8 minuttir. Rógvi trekti av sínum plássið á vinstra bakki innyvir miðjuni við bóltinum, eftir samanspæl endaði bólturin hjá Ásmundi á høgra veingi, sum spældi Rógva ígjøgnum. Púra leysur við málmanninum var Rógvi púra tryggur og snaraði bóltin við innari síðu út við handaru stong. Sera væl spælt og eins væl avsluttað!

Móti endanum fingu vit enn eitt mál og vunnu tískil 4-0 fyri aðru ferð í trekk. Tað var Tór-Ingar, sum aftur skoraði tvey, eins og seinasta dyst. Staddur úti í høgru síðu vendi hann sær við bóltinum, sleyt seg leysan millum tveir og setti beina kós móti málinum. Komin inní brotsteigin í høgru, smekkaði hann til, eitt flatt skot við ristini út við handaru stong. Sera flott avrik!

4-0 var endaliga støðan, og vit kunnu fegnast um enn ein sigur.

Næsti dystur verður leygardagin á Skála, har ein uppflytingarkandidatur bíðar okkum: Skála, sum við 2-0 sigrið á EB-Streymi í dag hava vunnið seg upp á 4. pláss.





Komandi dystir

  1. deild m. 07V-EBS kl. 16.00 

  2. deild m. FCH-07V kl. 16.00

  3. deild m. 07V-ÍF kl. 12.30


Fleiri dystir...

Stigatalvan

Lið D +/- Stig
Víkingur II 19 21 40
NSÍ II 19 16 39
07 Vestur 19 18 38
KÍ II 18 22 35
B68 19 -6 22
B71 18 -16 19
B36 II 19 -11 18
Skála II 19 -8 17
HB II 19 -11 14
EB/Streymur II 19 -25 12

Málskjúttar

Solomon Kwao 8
Niels Mouritsen 8
Høgni E. Nielsen 5
Ken Fagerberg 4
Ragnar Weihe 3
Hørður Egilsson 3
Dann Fróðason 3
Martin Tausen 2
Eirikur Ellendersen 2
Tór-Ingar Akselsen 1
Teitur Olsen 1
Heri Kjærbo 1
Asbjørn Heðnsson 1