Mynd: www.jn.fo

Betri Deildin: Einki stig við Løkin

Tvey skjót mál tá ein tími varð leiktur, løgdu lunnar undir heimasigrinum, hóast vit megnaðu at halda vertunum frá fatinum í stóran part av dystinum. Gilli minkaði um munin, men heldur enn at javna, innkasseraðu vit enn eitt mál í 3-1 ósigrinum í dag.

Góð líkindi vóru við Løkin í Runavík í dag, men ikki hjálpti tað okkum. Tó so, vit høvdu rímiliga gott tak á vespunum fyrra hálvleikin, og stórir møguleikar vóru fáir. NSÍ høvdu tó bóltin mest og vit lógu uppá lúr eftir kontramøguleikum.

Frá byrjan av seinna hálvleiki, løgdu NSÍ'ararnir meira fyri, og rættiliga skjótt komu teir til farligar royndir á málið. Tveir ferðir bjargaðu vit á strikuni og tað lá í luftini, at mál skuldi koma.

Tá lítil tími varð leiktur, skoraðu vertirnir so tvey mál innanfyri 2-3 minuttir. Fyrra málið varð rættiliga óheppið, sæð frá okkara síðu, tí tað kom beinleiðis frá hornasparkið. Seinna málið kom eftir innlegg.

Á bonkinum valdi Pauli Poulsen, venjari okkara, at gera útskiftingar beinanvegin eftir hetta, og inn komu Ken og Gilli fyri Jón og Asbjørn. Og løtu seinni minkaðu vit um munin, við máli, sum Gilli fekk.

Løtuna eftir hetta hómaðu vit útjavning, men so skoraðu vertirnir eina ferð enn, og so var dysturin avgjørdur. Teir kundu eisini havt skotið enn eitt mál, men vit sluppu við skrekkinum, og dysturin endaði 3-1.

Hósdagin skulu vit aftur í eldin, tá KÍ koma á vitjan.

Byrjanaruppstilling: Ivan Stojkovic; Jóannis á Steig, Ndende Adama Gueye, Martin Tausen, Niels Mouritsen; Nikola Krcmarevic, Høgni Egilstoft Nielsen; Kyrylo Silich, Janus Svabo Samuelsen (Tór-Ingar, 76.), Asbjørn Heðinsson (Gilli, 64); Jón Krosslá Poulsen (Ken, 60.).

Eyka: Silas Eyðsteinsson, Gilli Samuelsen, Dann Fróðason, Sølvi Egilsson, Tór-Ingar Akselsen, Ken Fagerberg, Teitur Olsen.




Komandi dystir

Dysturin ímillum 07 Vestur og EB/Streym verður leiktur týsdagin 23. okt. kl. 16.30  

Fleiri


Betri Deildin

Stigatalvan

Lið D +/- Stig
HB 27 40 73
NSÍ 27 39 55
B36 27 25 53
27 23 51
Víkingur 27 2 39
Skála 27 -11 29
TB/FCS/Royn 27 -15 28
EB/Streymur 27 -23 21
07 Vestur 27 -39 18
AB 27 -41 17

Málskjúttar

Sonny Jakobsen 11
Gilli Samuelsen 6
Sølvi Egilsson 3
Ken Fagerberg 3
Kyrylo Silich 2
Høgni E. Nielsen 2
Ndende 1
Charlie Machell 1


Kvinnur

Stigatalvan

Lið D +/- Stig
07 Vestur a 14 37 35
AB/B71 14 26 30
ÍF/Víkingur 14 14 25
TB/FCS/Royn 14 13 25
AB 14 -12 17
EBS/Skála (-3) 14 -6 10
07 Vestur b 14 -30 8
Giza Hoyvík 14 -42 7


Málskjúttar

Margit M. Kwao 14
Sissal Haraldsen 11
Mona S. Poulsen 9
Julia Niclasen 5
Annika Niclasen 4
Jana Jacobsen 4
Bettieyð Ellingsgaard 3
Henrikka W. Jacobsen 3
Barbara Prior 2
Bjørk Á. Dalsgaard 2
Sesilia Olsen 2
Anna Gaardlykke 1
Kristianna á L. Haraldsen 1
Paula Jensen 1
Sesilia Prior 1