Hans Arni Ellefsen verður við alla seinnu hálvu

Vit hava fingið vælkomnan styrk til seinnu hálvu, nú tað er greitt at Hans Arni fær verið við allar 11 dystirnar, ið eftir eru. Eisini ungi Hørður Askham er knýttur at hópinum í seinnu hálvu.

Hans Arni var við nakrar dystir tíðliga í ár, hóast hann lesur medicin í Póllandi. Bert tvær eksamiur eru á skránni í summar, og skúlagongdin kemur ikki í gongd fyrr enn eftir at kappingin er endað.

Hørður Askham, sonur Heðin Askham, verður eisini í hópinum seinnu hálvu. 17 ára gamli miðvallarin er leigaður frá B36, har hann hevur leikt 24 dystir í ár og skora 11 mál. Flestir dystirnir hava verið við unglingum og 2. deild, hóast hann hevur fingið nakað av leiktíð á Effo-liðinum.