HB - 07 Vestur 1-3

Eftir at vera komnir afturum miðskeiðis í fyrra hálvleiki, megnaðu vit at flyta spæli longur fram og Aristide javnaði í 41. minutti. Í seinna hálvleiki fingu vit betri stýr á tingunum og skoraðu tvey mál. Fyrst Ásmund Hansen, og til endans Hørður Johansen.

Liðið:Petur Meinhard Magnussen; Ragnar Nattestad, Emil Mikkelsen, Aristide Tehe, Ásmund Hansen (Hørður, 73'); Jovan Radinovic-Panic, Jákup Sveinbjørn Olsen (Brandur, 90'), Tór-Ingar Akselsen, Tórstein Mýlingstind, Rógvi E. Nielsen (Elfinn, 66'); Holgar Djurhuus
Eyka:
Eli Poulsen, Hørður Johansen, Brandur Heinason, Elfinn Ørvarodd

1. hálvleikur í dag fer ongantíð í søguna sum eitt fótbóltsligt upplivilsi. Vit vóru ikki serliga væl við, kanska eitt sindur nervøsir. Vit mistu ofta sjálvt einklar avleveringar og spælið hekk als ikki saman. HB hevði oftast bóltin og vit lógu aftarliga. Í 23. minutti skoraðu vertirnir so eisini, tá Gunnar Haraldsen fekk stýrt einum frísparki í málið.

Eftir málið komu vit betur við. Vit fluttu okkum eitt sindur longur fram og royndu at stýra spælinum. Hetta lukkaðist við hvørt, men vit skaptu ongar møguleikar.

Tann einasti møguleikin vit fingu, var uppá ein deyðbólt, sum HB'ararnir ikki fingu rudda burtur. Aristide fekk til endans høvdi undir bóltin og skoraði sítt fyrsta mál í ár. Hetta var í 41. minutti, og vit kundu fara til hálvleiks við betri vón um eitt gott úrslit.

Í seinna hálvleiki vóru vit betur og, sum tíðin leið, fingu vit betri og betri stýr á dystinum. Einar tíggju minuttir inn í hálvleikin, løgdu vit okkum á odda, við fyrsta málinum hjá Ásmundi Hansen fyri felagið. Ungi Miðvingurin hevur gjørt tað gott á høgra bakkinum í ár, men hetta fyrsta málið kom eftir at hann og Tórstein høvdu skift um pláss, so Ásmund var komin fram á høgra vongin at spæla.

Síðsta málið kom móti endanum, og tað var eisini av tí sjálvsama slagnum. Hørður, ið stutt undan var komin inn, fekk ein langan bólt, sum HB verjan helt seg hava undir kontrol. Hørður byrjaði eisini langt aftan fyri verjuleikaran, men við sínum skjótleika kom hann óvæntað fyrst á bóltin og smekkaði til fyrstu ferð úr spískum, og rakti væl so bólturin sat við handaru stong.

Eins og Aristide og Ásmund, skoraði Hørður sítt fyrsta mál fyri árið, í dag.

Endaliga støðan gjørdist sostatt 1-3 til okkum, og vit fegnast um enn ein sigur. Tillukku dreingir!

Næsti dystur verður á heimavølli leygardagin, tá vit taka móti hinum niðurflytarunum, B71,





Komandi dystir 

1. deild menn
22. sep. 07 Vestur - AB

1. deild kvinnur
23. sep. 07 Vestur - KÍ


Menn 1. deild

Lið D +/- Stig
Víkingur II 19 28 44
NSÍ II 19 24 38
B68 19 14 31
07 Vestur 19 7 30
HB II 19 -1 30
B36 II 19 -8 24
B71 19 2 23
KÍ II 19 -12 23
AB II 19 -18 12
FC Hoyvík 19 -36 10

Málskjúttar

Predrag Jeremic 6
Tór-Ingar Akselsen 6
Dann Fróðason 3
Gilli Samuelsen 3
Martin Tausen 3
Jógvan Petersen 2
Ragnar Weihe 2
Teitur Olsen 2
Eiler Fróðason 1
Jóannis á Steig 1
Karl Weihe 1
Solomon Kwao 1
sjálvmál 1

 
 

Kv. 1. deild

Lið D +/- Stig
AB/B71 10 36 24
07 Vestur 11 14 22
HB 10 5 21
ÍF/Víkingur/B68 10 -1 16
TB/FCS/Royn 9 -14 7
AB 9 -10 6
9 -30 4

Málskjúttar

Margit M. Kwao 6
Julia Niclasen 5
Sissal Haraldsen 4
Sesilia Olsen 3
Bettieyð Ellingsgaard 2
Eyðvør T. Poulsen 2
Kristina D. Gásdal 2
Marita E. Thorsvig 2
Ruth Albinsdóttir 2
Hanna Thomassen 1
Helma Thomasen 1
Kristina Nattestad 1
Mona S. Poulsen 1
Sjálvmál 1