Mynd frá fyrr í ár: www.jn.fo

Sannførandi 3-1 sigur í seinasta heimadystinum

(Dystarfrásøgn) 07 Vestur vóru betra liðið á Dungasandi í dag, og, við trimum móti einum, vunnu vit sannførandi sigur í seinasta heimadystinum í ár. Martin og Søren skutu ávíkavist fyrsta og seinasta málið, meðan annað málið var sjálvmál.

Hóast sera vánaligt veður fyri tað mesta seinastu vikuna, vóru líkindini rættiliga góð í Sørvági í dag. Tað regnaði eitt sindur illa við hvørt, men tað darvaði ikki spælinum.

Bert tríggir minuttir vóru spældir tá vit løgdu okkum á odda. Vit vunnu fríspark í høgru síðu, og Holgar, í dysti nummar 200 á besta liði okkara, legði ein sukurbólt á pannuna á Martin. Púra ódekkaður mitt í brotsteiginum var tvørámaðurin eirindaleysur móti gomlu liðfeløgunum og skallaði til 1-0.

Vit høvdu nakrar naskar atsóknir eftir hetta, men, tá lítil hálvur tími var farin, javnaðu gestirnir. Vit vóru eitt sindur ókonsentreraðir í verjuni og tað førdi til at Jóannis setti hondina fyri og dómarin bríkslaði fyri brotsparki. Jón Krosslá Poulsen var settur at skjóta móti gamla liðfelaga sínum í málinum. Hann smekkaði til og Ivan fekk hondina fyri. Skotið var hart og vann inn um málstrikuna til 1-1.

Dysturin var javnari eftir hetta, og fram til hálvleik hendi ikki tað stóra. Vit høvdu tó ikki spælt langt inn í annan hálvleik, so vóru vit aftur á odda.

Okkara byrjaðu eisini annan hálvleik betri og skaptu eitt ávíst trýst. Eftir annað hornasparkið var annar miðverjin hjá TB/FC Suðuroy/Royn, Anton Holse, óheppin og skallaði bóltin í egið mál.

Vit vóru stórtsæð betri restina av dystinum, hóast gestirnir arbeiddu hart. Og tá í annar hálvleikur var gott og væl hálvrunnin, avgjørdu vit dystin: John, sum fimm minuttir áðrenn var komin inn fyri Ken, fekk bóltin úti í høgru síðu. Hann bíðaði til Søren var komin uppá pláss og legði flatt innfyri, og so kundi Søren seta bóltin í netið til 3-1.

Tað, sum eftir var, hendi ikki tað stóra, og so kundu vit gleðast um, at seinasti dysturin á Dungasandi í ár endaði við sigri og harvið 25 stigum, sum er nýtt met. Leikarar og fjepparar takkaðu hvørjum øðrum fyri í ár og so er bara at bíða til leygardagin fyri at finna útav, um vit framhaldandi eru EFFO-lið.

Liðið: Ivan Stojkovic; Jóannis á Steig, Martin Tausen, Torstein Mýlingstind, Petur G. Dalbø; Janus S. Samuelsen (Asbjørn, 89.), Pål Fjelde, Høgni E. Nielsen, Holgar Durhuus (Jákup, 86.); Ken Fagerberg (John, 66.); Søren B. Nielsen.
Eyka: Silas Eyðsteinsson, Dann Fróðason, Asbjørn Heðinsson, Jákup Sveinbjørn Olsen, Sølvi Egilsson, Tór-Ingar Akselsen, John Frederiksen.




Lutaseđlarnir verđa IKKI trektir 10. des.

Vit hava fingiđ loyviđ til at útseta, so teir verđa trektir 20. januar. Hetta vegna tađ, at sølan hevur ikki gingiđ sum ætlađ.

 

Fleiri


Betri Deildin

Stigatalvan

Lið D +/- Stig
HB 27 40 73
NSÍ 27 39 55
B36 27 25 53
27 23 51
Víkingur 27 2 39
Skála 27 -11 29
TB/FCS/Royn 27 -15 28
EB/Streymur 27 -23 21
07 Vestur 27 -39 18
AB 27 -41 17

Málskjúttar

Sonny Jakobsen 11
Gilli Samuelsen 6
Sølvi Egilsson 3
Ken Fagerberg 3
Kyrylo Silich 2
Høgni E. Nielsen 2
Ndende 1
Charlie Machell 1


Kvinnur

Stigatalvan

Lið D +/- Stig
07 Vestur a 14 37 35
AB/B71 14 26 30
ÍF/Víkingur 14 14 25
TB/FCS/Royn 14 13 25
AB 14 -12 17
EBS/Skála (-3) 14 -6 10
07 Vestur b 14 -30 8
Giza Hoyvík 14 -42 7


Málskjúttar

Margit M. Kwao 14
Sissal Haraldsen 11
Mona S. Poulsen 9
Julia Niclasen 5
Annika Niclasen 4
Jana Jacobsen 4
Bettieyð Ellingsgaard 3
Henrikka W. Jacobsen 3
Barbara Prior 2
Bjørk Á. Dalsgaard 2
Sesilia Olsen 2
Anna Gaardlykke 1
Kristianna á L. Haraldsen 1
Paula Jensen 1
Sesilia Prior 1