Silva á A-útbúgving

Um vikuskiftið fóru 18 føroyskir venjarar undir A-venjaraútbúgvingina hjá FSF. Útbúgvingin endar í juni 2014

Farna vikuskiftið fóru 18 føroyskir venjarar undir A-venjaraútbúgvingina, sum Fótbóltssamband Føroya skipar fyri.

A-venjaraútbúgvingin er hægsta venjaraútbúgving í Føroyum, og er góðkend av UEFA og javntsett við A-venjaraútbúgvingarnar í øðrum UEFA-londum.

Minst kravda tímatalið hjá UEFA er 120 tímar, men A-útbúgvingin hjá FSF er umleið 220 tímar, og har afturat koma eini 100 tímar til skrivligar uppgávur.

Evnir á A-venjaraútbúgvingini eru leiðsla, motivatión, leikaramenning, fysisk venjing, taktisk venjing, leikháttur, dystarleiðsla, fjølmiðlar og fótbóltslógin. Hesi evni verða umrødd og arbeidd við á útbúgvingini.

Hvør luttakari á A-útbúgvingini hevur sín egna vegleiðara, sum vitjar hann sjey ferðir til venjing og dyst. Luttakararnir skulu eisini gera tríggjar skrivligar uppgávur innan ávís evni, umframt at fari verður á námsferð uttanlanda í eina viku.

Fyrsta kvinnan

Hetta er fjórða ferðin, at A-venjaraútbúgvingin er møgulig at taka í Føroyum, og fyri fyrstu fer er ein kvinna millum luttakararnar. Talan er um Ingun Hansen, sum er venjari hjá besta kvinnuliðnum hjá Víkingi, og hjálparvenjari á U19-landsliðnum við gentum.

Higartil hava 47 venjarar tikið A-venjaraútbúgvingina hjá Fótbóltssambandi Føroya, og av teimum eru teir allarflestu framvegis virknir í føroyskum fótbólti - bæði sum venjarar og sum instruktørar.

Teir 18 venjarar, sum nú eru byrjaðir, fóru undir útbúgvingina fríggjadagin 25. januar, og um alt gongur eftir ætlan, verða próvtøkurnar í juni 2014.





Komandi dystir 

1. deild menn
22. sep. 07 Vestur - AB

1. deild kvinnur
23. sep. 07 Vestur - KÍ


Menn 1. deild

Lið D +/- Stig
Víkingur II 19 28 44
NSÍ II 19 24 38
B68 19 14 31
07 Vestur 19 7 30
HB II 19 -1 30
B36 II 19 -8 24
B71 19 2 23
KÍ II 19 -12 23
AB II 19 -18 12
FC Hoyvík 19 -36 10

Málskjúttar

Predrag Jeremic 6
Tór-Ingar Akselsen 6
Dann Fróðason 3
Gilli Samuelsen 3
Martin Tausen 3
Jógvan Petersen 2
Ragnar Weihe 2
Teitur Olsen 2
Eiler Fróðason 1
Jóannis á Steig 1
Karl Weihe 1
Solomon Kwao 1
sjálvmál 1

 
 

Kv. 1. deild

Lið D +/- Stig
AB/B71 10 36 24
07 Vestur 11 14 22
HB 10 5 21
ÍF/Víkingur/B68 10 -1 16
TB/FCS/Royn 9 -14 7
AB 9 -10 6
9 -30 4

Málskjúttar

Margit M. Kwao 6
Julia Niclasen 5
Sissal Haraldsen 4
Sesilia Olsen 3
Bettieyð Ellingsgaard 2
Eyðvør T. Poulsen 2
Kristina D. Gásdal 2
Marita E. Thorsvig 2
Ruth Albinsdóttir 2
Hanna Thomassen 1
Helma Thomasen 1
Kristina Nattestad 1
Mona S. Poulsen 1
Sjálvmál 1