Svenn Olsen kemur at skipa fyri venjing í Kvívík.

Venjing í Kvívík

Mikudagin kl. 16:30 verður venjing fyri børn í Kvívík. Øll eru hjartaliga vælkomin. Væntandi verður vant mánadagar og mikudagar, men nærri verður avtalað alt eftir hvussu tað passar børnunum.

07 Vestur er stovnað við málinum at verða fótbóltsfelag fyri vesturøkið, umfatandi Vestmanna, Kvívík og Vágar. Í nógv ár aftureftir hava leikarar av vestursíðuni av Norðstreymoy ferðast vestur at venja, men framyvir er ætlanin at skipa regluligar venjingar eystaru megin sundið eisini.

Í tráð við ætlanirnar fyri ungdómsarbeiðið hjá 07 Vestur, hevur felagið sett tveir ungdómsvenjarar uppá fulla tíð. Sum høvuðsungdómsvenjari er gøtumaðurin Svenn Olsen júst byrjaður, og hann kemur at standa fyri venjingini í Kvívík.

Svenn hevur A-prógv sum er hægsta venjaraútbúgving, ið takast kann í Føroyum. Hann kemur úr Víkingi, har hann hevur starvast í áravís sum venjari og vegleiðari hjá ungum og vaksnum leikarum. Svenn hevur eisini starvast sum leiðbeinari og ungdómslandsliðsvenjari hjá Fótbóltssambandinum.




Komandi dystir

27. apríl

1. Deild: B36- 07V,      kl. 17.00 

2. Deild: Undrið- 07V, kl. 15.45  

3. Deild: Royn-07V      kl.  



Fleiri dystir...

Stigatalvan

Lið D +/- Stig
KÍ II 4 12 10
Víkingur II 4 9 10
07 Vestur 4 6 10
NSÍ II 4 -3 6
B68 4 -1 5
Skála II 4 0 4
B71 4 -8 4
HB II 4 -2 3
EB/Streymur II 4 -4 1
B36 II 4 -9 1

Málskjúttar

Solomon Kwao 2
Eirikur Ellendersen 1
Heri Kjærbo 1
Hørður Egilsson 1
Ragnar Weihe 1