GU14 skrivað søgu (Dagført) Við sigrinum í finaluni um Eilif Arge-steypið, gjørdust genturnar fyrsta liðið hjá unga felag okkara, ið vinnur steypakappingina. Liðið er bert tað triðja úr Vágum nakrantíð, ið vinnur steypakapping.

GU14 STEYPAVINNARAR!!! 07 Vestur gentur U14 vunnu seinnapartin 2-1 í sera spennandi steypafinaluni móti AB/B71. Genturnar hjá Mass Anthoniussen komu á odda 1-0, og beint fyri dystarenda avgjørdu okkara røsku gentur dystin. HJARTALIGA TILLUKKU ØLL SOMUL!

Genturnar spæla steypafinalu leygardagin Gentur U14 hava spælt seg í steypafinaluna, og leygardagin skal slagið standa. Dysturin móti AB/B71 verður spældur á Tórsvølli kl. 14:30, og fjepparabussurin koyrir kl. 13:15. Øll eru meira enn vælkomin at stuðla okkara liði!

Kvinnur, GU17 og Old Girls, venjingar og leikarafundur Mikukvøldini 13. og 27. septembur kl. 20:00 verður venjing fyri kvinnum, GU17 og Old Girls í Sørvági. Mikukvøldið 18. oktobur kl. 18:00 verður leikarafundur fyri allar tær, í hava áhuga at spæla komandi ár.

Kvinnudeildin skotin í gongd Við stuttari og stuttligari venjing og hugnaløtu aftaná, meðan gentur U8 spældu uttanfyri, hevði kvinnudeildin hjá 07 Vestur sítt fyrsta tiltak.

Janus á U21-landsliðið Janus S. Samuelsen er ímillum teir 19 leikararnar, Eli Hentze, U21-landsliðsvenjari, í fyrsta umfari hevur úttikið til dystirnar ímóti Danmark og Finnlandi, sum verða ávikavist á heimavølli 31. august og á útivølli 5. septembur.

Fýra (!) beiggjar á sama liði Á 3. deildarliðinum hjá 07 Vestur í dystinum í gjárkvøldið, spældu fýra beiggjar, Sigtór, David, Ari og Oddur. Og við hesum 4 á sama liðið kundi sjálvsagt eingin ivið verða um úrslitið, sum gjørdist 5-1 til okkum (og sjálvandi skoraði stóribeiggi tvey av málunum).

2. lið vunnið venjingardyst í dag Dreingirnir hjá Jovan, okkara lið í 2. deild, vunnu seinnapartin ein venjingardyst. Dysturin varð spældur á Dungasandi í Sørvági móti EB/Streymi, og vit vunnu 2-0. Hørður skoraði bæði málini.